Quinta-feira, loron 24 fulan-Outubro, Amo-Papa publica nia documento kona-ba devosão ba Jesus nia Futar Fuan. Pontífice fó sai kona ba encíclica ne’e iha audiéncia gerál ida iha fulan-Junhou liubá, no texto tomak halibur reflexão sira hosi documento magistrado anteriór sira. Publicação ne’e acontece iha tinan celebração sira aniversário ba dala 350 hosi manifestação dahuluk hosi Jesus nia Futar Fuan Santo, nebé acontece iha tinan 1673.
Salvatore Cernuzio – Cidade Vaticano
Papa Francisco publica encíclica dahaat iha ninia pontificado; iha momento ida nebé dramático liu ba humanidade. Funu corasivo sira, desequilibrio social no económico sira, consumerismo nebé maka’as, tecnologia foun sira nebé ameaça atu desfigura essência ema nian marca nudar era moderna. Pontífice, liu husi documento ho título Dilexit nos (Nia hadomi ita), husu ita atu muda ita-nia perspetiva, ita-nia perspetiva no ita-nia objetivo sira, hodi recupera buat nebé importante liu no necessário: fuan.
Amo -Papa nia anúncio
“Carta encíclica kona-ba domin humano no divino hosi Jesus Cristo nia Futar Fuan” mak substítulo hosi documento, nebé nia data publicação — 24 Outubro — data ne’e fixo ona tanba fó sai ona hosi Gabinete Imprensa Santa Sé nian. Texto ne’e dedica tomak ba culto Sagrado Jesus Futar Fuan nian. Santo Padre fó sai ona lançamento iha Outubro, durante audiénsia geral iha Praça S. Pedro iha loron 5 fulan-Junho (fulan nebé tradicionalmente dedica ba Jesus nia Futar Fuan Santo), hodi fahe desejo atu texto ne’e tomak halo ema medita kona-ba aspeto sira “domin Na’i nian nebé bele halo naroman dalan renovação eclesiástica nian; no mós katak sira bele hatete buat ruma nebé significativo ba mundo ida nebé parece lakon nia fuan.” Francisco explica liután documento ne’e sei halibur “reflexão folin-boot sira hosi texto magistrado anteriór sira no história naruk ida nebé fila fali ba Sagrada Escritura sira, hodi propõe fali, ba Creda tomak, culto ida-ne’e nakonu ho beleza espiritual”.
Aspiração sira iha tinan 1673
Encíclica ne’e publica durante celebração sira – nebé hala’o hosi loron 27 fulan-Desembro tinan 2023 to’o loron 27 fulan-Junho tinan 2025 – hosi aniversário ba dala 350 hosi manifestação dahuluk hosi Sagrado Jesus Futar Fuan nian ba Santa Margarida Maria Alacoque, iha tinan 1673. Século tolu ho balun liubá, iha loron 27 fulan-Desembro, Jesus mosu ba madre visitandina francesa foin-sa’e, nebé foin mak tinan 26, hodi confia ba nia missão decisivo atu habelar Jesus nia domin ba ema sira, liuliu ba ema sala-na’in sira, iha mundo. Aspirasão sira iha convento Paray-le-Monial, iha Borgonha, continua durante tinan 17, ho Jesus nia Fuan nebé manifesta-an iha trono ahi-lakan nian, hale’u ho coroa ai-tarak nian, símbolo kanek sira nebé inflige hosi salan sira ema nian. Cristo husu ba Irmã Margarida atu loron-sexta hafoin festa Corpus Christi nian — tanba ne’e, loron ualu liutiha — dedica ba Festa Jesus nia Fuan Sagrado nian. Missão susar ida ba madre, nebé hasoru desentendimento to’o entre ninia irmã religiosa no superiór sira, no considera nu’udar vizionária. Maibé nia nunca rende no dedica nia moris tomak atu halo mundo hatene Cristo nia domin.
Propagação devoção nian
Festa Fuan Sagrado Jesus nian moris iha odamatan Ilustração nian. Hanesan Padre Enrico Cattaneo, profesór emérito Patrística nian, hakerek iha revista “La Civiltà Cattolica”, “espiritualidade husi Cristo nia Fuan nu’udar contrapeso ida ba mentalidade racionalista nebé generaliza, nebé fó han cultura ateísta no anti-clerical”. Debate maka’as ida, inclui iha Creda rasik, mosu kona-ba devoção ida-ne’e, to’o, iha tinan 1856, Pio IX deside atu habelar festa Jesus nia Fuan Santo nian ba Creda tomak. Iha Século XIX, devoção habelar lalais ho consagração sira, mosu congregação mane no feto sira, instituição universitário sira, oratório no capela sira.
Haurietis aquas husi Pio XII
Iha tinan 1956, Pio XII nia “Haurietis aquas” publica, hakerek iha tempo nebé devoção ba Jesus nia Fuan hasoru hela crise. Papa Pacelli nia encíclica hakarak hamoris fali culto no convida Creda atu comprende no realiza di’ak liután ninia forma oioin devoção nian, ho “utilidade máxima” ba Creda nia necessidade sira, maibé mós nu’udar “bandeira salvação nian” ba mundo moderno. Bento XVI, iha Carta ida ba aniversário ba dala 50 celebração “Haurietis aquas” nian, destaca: “Mistério domin Maromak nian ne’e ba ita la’ós de’it constitui conteúdo culto no devoção ba Jesus nia Fuan: nia, iha dalan hanesan, conteúdo espiritualidade loos hotu no devoção sarani. Tanba ne’e, importante atu sublinha katak fundação ba devoção ida-ne’e tuan hanesan Cristão rasik.”
Papa Francisco nia devoção
Amo-Papa Francisco sempre hatudu ligação kle’an ho Fuan Santo Jesus nian, hodi relaciona ho amo lulik sira-nia missão. Iha tinan 2016, finál Jubileu Sacerdote sira-nian acontece precisamente iha Solenidade Jesus nia Futar Fuan nian, no iha homilia missa nian Pontífice husu ba amo lulik sira mundo nian atu hadalan sira-nia fuan, hanesan Bibi-Atan Di’ak, ba bibi sira nebé lakon. Ida nebé dook liu, muda epicentro fuan nian dook hosi sira-nia an rasik. Nafatin iha contexto Jubileu nian, iha dahuluk husi Meditação sira kona-ba Misericórdia, Amo-Papa recomenda atu bispo no amo lulik sira lee filafali “Haurietis aquas”, tanba “Cristo nia fuan mak centro Misericórdia nian. Ida-ne’e mak característica Misericórdia nian, nebé sai fo’er, sei kona, envolve an, hakarak compromete an ba ema seluk… nia compromete an ba ema ida, ba sira nia kanek.”
Encíclica dahaat pontificado nian
Dilexit nos, hanesan temi ona, mak Papa Francisco nia encíclica dahaat hafoin Lumen fidei (29 Junho 2013), nebé hakerek “a quatro mãos” ho Bento XVI; Laudato si’ (24 Maiu 2015), kona-ba crize ambientál no necessidade atu tau matan ba Criação; no Fratelli tutti (3 Outubro 2020), nebé resumo Amo-Papa nia apelo no mensagem sira kona-ba urgencia fraternidade no amizade social iha mundo nebé fragmentado, iha tempo ne’ebá tanba pandemia Covid-19, no ohin loron tanba funu no conflito fratricídio sira nebé lori maski iha Maromak nia naran. Dilexit nos sei apresenta mai ita iha Gabinete Imprensa Vatikano nian iha loron 24 Outubro husi Dom Bruno Forte, teólogo, Arsebispo Chieti-Vasto nian, no Irmã Antonella Fraccaro, líder geral Discípulo sira Evangelho nian.
