DCAD; 27 de Março 2026: Arcebispo de Díli Dom Virgílio Cardeal do Carmo da Silva, ohin Sexta-Feira iha Salão de encontro Câmara Eclesiástica Lecidere, Dili, convoca reunião ida ho diretor no funcionário sira iha Departamento Comunicação Arquidiocese de Díli (DCAD) nian hodi rona no koalia ba sira.
Reunião ne’e hahu ho amo Cardeal ninia lia makloke be haktuir kona ba objetivo husi reunião ne’e no importância husi encontro ne’e. Hafoin de ne’e, diretor Departamento de Comunicação Arquidiocese Dili nian Pe. Bento Barros Pereira continua hodi agradece ba Dom Virgílio no introduz estrutura no responsáveis serviço sira iha Departamento refere. Relata mos ba Arcebispo serviço sira nebé durante ne’e halo, principalmente programas no serviço sira nebé sei halo iha tinan 2026 ne’e no obstáculo geral nebé Departamento de Comunicação Arquidiocese Dili nian hasoru.
Rona tiha buat hira nebé departamento halao Dom Virgílio Cardeal do Carmo da Silva hato’o ninia apreciação ba equipa no husu atu departamento continua serviço halo diak ba iha programa sira ne’e hodi servi Santa Creda liu husi informações no notícias sira. Amo Arcebispo husu de modo particular atu serviço sira tinan ne’e nian bele hahu mos ona ho programas, informação no notícias sira nebé bele tulun sarani sira iha preparação ba celebração centenário Diocese Dili nian nebé sei celebra iha 2040.
Além de ne’e buat nebé urgente liu mak serviço comunicacão nian nebé percisa halo relaciona ho preparação ba trasladação restos mortais Amo Bispo sira be uluk servi iha Diocese Dili nian husi Portugal mai Timor-Leste iha fulan setembro mai ne’e, nomeadamente Dom Jaime Garcia Goulart bispo dahuluk; Dom José Joaquim Ribeiro segundo bispo; no Dom Martinho da Costa Lopes Administrador Apostólico dahuluk Diocese Dili nian.
Ikus liu Dom Virgílio hato’o agradece wain ba Equipa Departmento Arquidiocese Dili nian tamba sacrifício no dedicação nebé halo ona hodi durante ne’e servi Arquidiocese Dili no Creda Timor-Leste.
